POST - TEST publiziatarioa

4. Kanpainaren inpaktua neurtuz:

Ondoren, lortutako datuen analisia egingo dut. Esan beharra dago, datuak batzeko astebeteko epea utzi dudala.

 Gogoragarritasuna neurtzen:
Hasierako galderan azkenengo astean zehar ikusitako iragarkiak aipatzeko eskatzen da eta hona hemen gehien gogoratzen diren iragarkien markak (izan ere, inork ez du kanpainaren izenik aipatu, hau galdetzen bazen ere):

o Mixta (2 aldiz aipatua)
o Ford
o Seat
o Danone
o Muebles el paraiso
o Valor
o Ing direct
o Dove
o Voll – dam
o Renfe
o Catalana Occidente
o Loreal
o Eroski

Aipatzekoa da inolako laguntzarik eman gabe inork ez duela IKEA aipatu. Ez honen azkenengo kanpaina ez aurrekorik.

Altzairu edo dekorazio iragarkirik gogoratzen duten galdetuz gero, % 66,7ak oroitzen du baten bat. Hauetatik, % 62,5ak IKEA aipatzen du, %12,5ak Muebles el Paraiso aipatzen du.

Bestetik, soilik bi pertsonek gogoratzen dute aztergai dugun kanpaina. Besteek “Donde caben 2 caben 3” eta “Bienvenido a la republica independiente de tu casa” aurretiko kanpainak gogoratzen dituzte.

Kanpainaren eslogana esanez gero; % 83ak gogoratu egiten du iragarkia. Baina pertsona bakarrak daki zein den zehazki iragarritako produktua. Gainerakoek altzariak eta dekoraziorako produktuak orokorki iragartzen direla esaten du.
Iragarkia nolakoa zen galdetzean denek esaten dute bikote desberdinak agertzen direla.
Hala ere, % 25ak ez du iragarkia inolako markarekin erlazionatzen. Berri ona da markaren batekin erlazionatzen dutenen artean IKEA bakarrik aipatzen dela, hau ona da beste lehiakideekin nahasten ez dutelako eta arin identifikatzen dutelako iragarkia markarekin.


 Gustagarritasuna neurtzen:
Atal honetan, iragarkia hartzaileengan zenbateraino izan den gustukoa jakingo dugu. Garrantzitsua da hau, izan ere, frogatuta dago hobekien gogoratzen diren kanpainak gustukoenak eta desatseginenak ditugunak direla.

Datuen arabera, honako adjektiboekin deskribatzen dute kanpaina: dibertigarria , polita, errealista eta originala, hurrenez hurren. Galdera hau mistoa zen, emandako aukerak polita, errealista, tristea , dibertigarria izanik. Pertsona bakar batek erantsi dio bestelako ezaugarri bat: originala.

Iragarkiaren atalak aztertuko ditugu; musika, pertsonaiak …
Iragarkia ikusi dutenen % 92ak musika gogoratzen du eta hauetako % 64ri nahiko gustatu zaio, %27ak normal antzean hartu du eta %9ak oso gustuko izan du. Beraz, inork ez du esan ez duela gustuko izan. Orokorki gustagarria suertatu den kanpaina dugu aztergai.

Iragarkian ageri ziren pertsonaiak nolakoak iruditzen zaizkien galdetzean; % 78ak dio errealistak direla . Hau galdera mistoa izanik, pertsona batek dio bikotekide denak emakume-gizonak direla eta bestelako bikoteak ere badaudela.
Kanpainaren gustagarritasuna orokorki neurtzerakoan, % 50ak dio normal gustatu zaiola, % 42ak nahiko gustuko izan duela eta %8ari asko gustatu zaio.

Ondorioz, esan dezakegu , orokorrean, jendearen gustukoa izan den kanpaina dela hau. Musika hartzaileen gustukoa izan da, eta pertsonaiak orokorki errealistak suertatu dira.

 Mezuaren ulerkuntza:
Kanpainaren esloganean ageri zaigun leloa, horixe bera da kanpainaren mezua; “Donde cabe uno caben dos”. % 67ak dio mezua guztiz ulertu duela, baina inork ez dio ez duela mezua ulertu. Beraz, mezuaren ulerkuntza egokia da.

 Eranskina

Perfilaren datuak:

ADINA

25-30 bitartean inkestaturiko %62,5a,  10 pertsona
31-40 bitartean inkestaturiko %37,5a,  6 pertsona
41-50 bitartean inkestaturiko %0a.
+ 50  bitartean inkestaturiko %0a.

Lagina 16 pertsonakoa.

SEXUA

Emakumeak    inkestaturiko % 75a, 12 pertsona
Gizonak, inkestaturiko % 25a, 4 pertsona

KONTSUMITZAILEAK

Kontsumitzaileak inkestaturiko % 56a, 29 pertsona
Ez kontsumitzaileak inkestaturiko % 44,8a, 7 pertsona

POST-test publizitarioa

POST-test publizitarioa

1. Aukeratutako kanpaina :
IKEA. “Donde cabe 1, caben 2”.
Kanpaina hau aukeratzeko arrazoia izugarri gustatu zaidan kanpaina dela da, bai musika bai iragarkia bera ere. Oso emotiboa eta errealista iruditu zait eta jakin nahiko nuke ea jendeak kanpaina honenganako zer nolako iritzia duen.

2. Kanpainaren deskribapena:
Bikotekidearekin bizitzeko garrantzi handiko unea islatu nahi izan du IKEAK, logela konpartitzeko unea, bai bere etxean edo zurean. Zure etxea den “Errepublika Independenteko” txokorik ezkutuena konpartitzeko unea.




• Iragarritako produktua, kasu honetan, bikoteetako logelen altzariak dira.

• Xede taldea definitzen:Dagoeneko bikotean bizi den populazioa baita oraindik bakoitza bere aldetik bizi denak , denbora gutxi barru elkarrekin bizitzeko helburua dutenak osatzen du gure target-a.

 Adina : 25- 50 urte bitartekoa.
 Klase soziala: Erdi mailatik gorakoa. Izan ere IKEAK ekoiztutako produktuak nahiko merkeak izan ohi dira.
 Esparru demografikoa: Estatu maila.


3. Inkestaren diseinua:

Gure ikerketaren helburu nagusia jendeak IKEAren “ Donde cabe 1 caben 2 ” iragarkia gogoratzen duen edo ez jakitea da. Aldi berean, iragarkia gustukoa duten edo ez ere jakin nahi dugu.

Metodologia: Erabiliko dudan metodologia kuantitatiboa izango da berez, baina aspektu kualitatiboak neurtu nahi ditut. Jakin nahi dut zenbatek osatzen duten kanpaina eta zenbateko kopuruak produktua markarekin erlazionatzen duen. Honekin batera, jakiterik ea kanpaina gustatu zaien eta abar.
Beraz, galdera ireki, itxi eta mistoak erabiliko ditut. Izan ere, jakin nahi dut hartzaileek duten iritzi propioa. Analizatzerako orduan zailagoa da baina lagina txikia denez gero ez da horren korapilatsua izango.
Bukaeran jarriko ditugu perfilaren segmantazioa egiteko galderak, hau da, adina eta sexua, baita IKEAren kontsumitzaile den edo ez.

Inkestak 17 galdera izango ditu, ez da beraz ez oso laburra ezta oso luzea ere.
Posta elektronikoaz gauzatuko dut post-testa. Encuesta facil webgunearen bitartez.
Hona hemen inkestaren link-a:
http://www.encuestafacil.com/RespWeb/Cuestionarios.aspxEID=705307&PGND=0&MSJ=NO#Inicio

INKESTA

1. Zenbat denboraz ikusten duzu telebista egunero ?

 Ez dut telebista ikusten
 0eta 2 ordu bitartean
 2 eta 4 ordu bitartean
 4 ordu baino gehiago

2. Azken aste honetan ikusitako iragarkirik gogoratzen al duzu? Adierazi gogoratzen duzun iragarkiaren marka eta produktua mesedez.
Erantzun irekia

3. Altzari edo dekorazio markaren baten iragarkirik gogoratzen al duzu ?
Erantzun irekia

4. Baiezkoan, esan ahal zeniguke laburki zeintzuk marka gogoratzen dituzun eta nolakoa zen iragarkia ?
Erantzun irekia

5. “Donde cabe 1 caben 2” slogana ezagutzen duzu ?
a)Bai
B)Ez

6. Baiezkoan, gogoratzen duzu zein den iragarritako produktua? Baiezkoan, zein ?
Erantzun irekia

7. Esan ahal zeniguke zein markarekin erlazionatzen duzun?
Erantzun Irekia

8. Esan al diguzu zein adjektibo doakion hobeto “donde cabe uno caben dos ” iragarkiari?
 Polita
 Dibertigarria
 Tristea
 Errealista
Beste bat ________________


9. IKEAren iragarkiren bat gogoratzen al duzu? Zein? Esan ahal zeniguke Zer gogoratzen duzun iragarki honi buruz?
Erantzun irekia

10. Iragarkiaren mezua ulertu duzula uste duzu?
 Oso ondo
 Ondo
 Ez oso ondo
 Ez , batere ez

11. Gogoratzen al duzu iragarkiaren musika?
a)Bai
b)Ez

12. Baiezkoan, gustatu egin zaizu musika?
Asko Gustatu zait
Gustatu zait
Normal gustatu zait
Ez zait gustatu
Ez zait batere gustatu

13.Iragakiaren pertsonaiak, nolakoak direla uste duzu?
Errealistak
Faltsuak
Beste bat __________________


14. Orokorrean, gustatu egin zaizu iragarkia?
Asko
Nahiko
Normal
Gutxi
Oso gutxi

15. IKEAren kontsumitzaile zara?
a)Bai
b)Ez

16. Sexua
a)Gizona
b)Emakumea

17. Adina
25-30
31-40
41-50
50etik gora

*Banaka egin dut ariketa.

Efikazia sariak

by enkar

Gaurko klasean Eficacia sariei begira jarri gara. Ikastaroaren hasieran azpimarratu genuen publizitate jaialdi honen berezitasuna: ez du kreatibitatea saritzen, eraginkortasuna baizik. Eta eraginkortasun horren frogak eskatzen ditu saria ematerako orduan. 2008ko irabazle nagusiak, Caja Madrid-ek, adibidez, hurrengo frogak eskaini zituen saria eskuratzeko. 2009an Ikea suertatu zen irabazle, eta hemen azaltzen dira horren arrazoiak.

Agentziek (edo euren elkarteek) antolatzen dituzte normalean kreatibitate jaialdiak. Sariek prestigioa ematen diete agentziei eta baita kreatiboei ere. Autopromoziorako jaialdiak direla esan daiteke, publizitatearen negozioaren barruan notorietatea lortzeari begira egindakoak. Beste aldetik, publiko orokorraren arreta lortzen da jaialdi hauen bitartez, publizitatearen alde espektakularra eta artistikoa azpimarratuz normalean.


Eraginkortasun jaialdi bat bestelako kontu bat da, ordea. Agentziek beharrean, iragarleek beraiek antolatzen dituzte horrelakoak (Eficacia sarien kasuan, Asociación Española de Anunciantes delakoak). Zergatik? Zer bilatzen da? Zertarako balio du? Zein sektoreri egiten dio mesederik handiena?
Hausnartu honen inguruan.
Eta gero…
Eficacia sarien 2009ko irabazleen zerrenda ere kontsultatu dezakezu, eta konparatu 2009ako iragarleen inbertsio ranking-arekin. Zer nolako harremana ikusten duzu publizitate inbertsio eta publizitate eraginkortasunaren artean? Kasu adierazgarriren bat?

Ez dakit oso ondo ze helburu konkreturekin antolatzen diren Efikazia sariak , baina hipotesi bat dut; bilatzen dena zera da: euren arteko, iragarleen arteko, konpetentzia areagotzea; ez soilik produktu bereko edo antzerakoen artean, baizik eta denen artean. Sektorea eraginkorra izatea, efikazia nabaritzea nahi dute. Horretarako, besteen aurrean nabarmentzeko saria ematen diote Iragarle hobeenari. Horrela, denek nahi izango dute sarituak izan eta besteen aurrean onenak izan. Sari hauek publizitatearen arloa eraginkorra izan dadin motibazioa edo dela esango nuke.
Argi dago mesederik handiena publizitatearen sektoreari egiten diola, dudarik gabe. Eurek euren onurarako egiten duten ekitaldia da.

Zer nolako harremana ikusten duzu publizitate inbertsio eta publizitate eraginkortasunaren artean? Kasu adierazgarriren bat?

Baliteke erlazioa egotea publizitate inbertsio eta publizitate eraginkortasunaren artean. Baina nik ez dut topatu datu adierazgarririk hau egiaztatzeko.
Aipagarria den datu bakarra hauxe da:

Linea Directa Aseguradora 2008an 31.en postuan egotetik, 17.postura egotera igo da. Hau efikazia sarietan urrezko saria irabazi duelako izan daiteke, 3. Postuan.
Bestetik, ezin izan dut elkarlotu inbertsioa eta publizitate eraginkortasuna.

Facebook-en esperimentua

Profil faltsua sortu ondoren, astebete igarota, dagoeneko, 35 lagun ditut. Aurretik esan dudanez, ez naiz sare sozialen erabiltzaile, eta beraz, edonori bidali diot lagun izateko eskaera. Ezagutzen ez dudan jendeari baita ere.

Esperimentua behar bezala gauzatzeko, nire profila interesgarri egiten saiatu naiz, zenbait argazki deigarri, afizioak … jarriz erakargarri izateko asmotan. Eta badirudi lortu dudala, izan ere, nire eskaera guztiak onartuak izan dira, bat salbu. Horrez gain, beste 13 pertsonek eskaera bidali egin didate, ezagutzen ez nautenak! (profila faltsua izanik zaila izango litzateke norbaitek ezagutzea). Harrigarria iruditu zait ezagutzen ez zaituen jendeak zure laguna izatea nahi izana. Argazki soil batzuk ikusita (kasu honetan faltsuak izanik alegia) eta zaletasun batzuk besterik ez ezaguturik.
Ez dakit zer pentsatu, jendeak sare hauetatik kanpo bizitza sozialik ez daukala edo denbora libre gehiegi dutela. Harrituta geratu naiz. Ez nuen uste hau horrela izango zenik.
Esperientzia honek are gehiago konbentzitu nau sare sozialen erabiltzaile ez izatearekiko hartu dudan erabakiarekin.

Baina, berriro diot, aurreko post-an esan bezala, facebook eta antzerako sare sozialak marketing- erako tresna ezin hobeak direla, hedapena modu erraz eta azkarrean egiteko bide bat da. Hala bada ere, ez dut oso argi interneteko sare sozialetan oinarrituriko marketing kanpaina bat gauzatu ahal izango denik. Oso jende gutxira ailegatzen da telebista edo medio handiagoekin alderatzen badugu, gero eta jende gehiagok internet eta sare sozialak erabili arren, oraindik asko dira talde horretan sartzen ez direnak, horrela, zati handi bat publizitate kanpaina horretatik kanpo utziko genuke.

Hala ere, medio hau etorkizunean oso erabilgarria izango delakoan nago, izan ere , bertako publizitatea gero eta garatuago dago.

Sare sozialen eraginkortasuna

Egia esan, ez naiz sare sozialen erabiltzailea, ez ditut gustuko. Ez behintzat, ohiko erabilera pertsonalari dagokionez. Norberaren “publizitatea egitea” edo dela iruditzen zait. Ez zait erosoa iruditzen edonork zure bizitza pribatuaren zer nolakoak jakitea. Gainera, uste dut askoz ere hobeagoak eta probetxugarriagoak direla jendearekin aurrez aurre ditugun erlazioak, eta horregatik nahiago dut denbora gehiago nire lagun fisikoekin igarotzea lagun birtualekin baino. Ez nau konbentzitzen.



Baina, alegia, uste dut lanerako herraminta ezin hobea izan daitekeela. Marketing - aren arlotan ohizko iragarbide medioekin alderatuz gero, abantaila ugari eskaintzen dituzte sare sozialek. Baita eremu pertsonalean ere, hau da, zure publizitatea egin nahi izan ezkero (iragartzeko moduko zerbait egitearen kasuan; argazkilaritza, moda …) tresna oso ona da.
Sare sozialetan murgildurik gaudenean, ez gaude publizitateari uko egin nahian. Erlaxaturik gaude, gustura, eta publizitate errezeptore bikainak gara. Zera esan nahi dut, taberna batek edo marka batek gonbidapena luzatu ezkero, baliteke lasai asko baiezkoa ematea, askotan ez baitugu pentsatzen etengabeko publizitatea bidaliko digutela.
Marketing-aren ikuspuntutik duen abantailarik argiena hauxe da; target-arekin zehatz mehatz eman dezakegula. Gure xede taldearekin bete – betean eman dezakegu. Izan ere, hartzaileak gure produktuaren berri izan nahi badu gonbidapena hartu beharko du. Ez dut baztertzen, biharko egunean, marketing medio gisa erabiltzea.
Moda kontuarekiko, uste dut zerbait berritzailea eta eraginkorragoa asmatu artean medio ezin hobea izango dela publizitatea igortzeko. Hortaz, moda kontutik at dagoelakoan nago.

internet & eraginkortasuna

Hauek dira 15 minutu hauetan bisitatu ditudan web orrialdeak:

www.mydailystyle.es
www.euskalmet.euskadi.net
trakabarraka.blogspot.com/
sharedcloset.blogspot.com/
www.zara.com/
www.hazel.es/



Blog-etan eta publizitate korporatiboetako web orrialdeetan barrena nabigatu dut, baita eguraldiko web orrialde batean.
Banner bakarra topatu dut blog-etako batean. Ez dut gogoratzen publizitaterik topatu izana gainerakoetan.

“Les LLumeles” markarekin egin dut topo, “my daily style” blog-ean, banner baten itxurarekin. Esan beharra dut ez diodala jaramonik egin, jakin badakidalako publizitate hori bertan dagoela. Izan ere, nahiko segituan bisitatzen dudan blog-a baita eta dagoeneko ohitu egin naiz marka horrekin aurrez aurre topatzera. Lehenbiziko aldiz banner honen aurrean topatu nintzenean men egin nuen eta link-a jarraitu nuen, bere web gunera abiatuz. Baina gaurkoan ez zait horrelakorik gertatu.

Gainerako orrialdeetan ez dut ezer deigarririk aurkitu, ez mezu ez eduki bereizgarririk.


Buelta zaitez orain ibili zaren orri edo dena delakoetara. Erreparatu publizitateari. Hor zegoen, ezta?
Hasieran ikusitako web guneetara bigarren begirada botatzean hasieran erreparatu ez diodan beste barnner bat topatu dut, hain zuzen ere Galactinet marka, lehen aipatutako blog-ean.
Euskalmet –en web orrialdean banner bi topatu ditut baita ere, hasieran ikusi ez ditudanak.

Interneteko publizitateaz hauxe da nire balorazioa:

Hasteko, lehenengo eta behin esan beharra dut publizitate mota hau gogaikarria iruditzen zaidala kasu gehienetan, izan ere, askotan, web gune baten gaudelarik, bertan dugu publizitatea, denbora osoan gure atentzioa deitu nahian gure parean geldirik. Gainerako euskarri publiziatarioetan, hala nola, irratia, telebista, aldizkariak … errez saihestu dezakegu publizitatea gustoko ez badugu. Katez aldatu edo orria pasatu baino ez dugu egin beharko. Interneten kasuan alegia, bannerr-en kasuan adibidez, hor dago eta ezinezkoa da saihestea. Spam-aren kontra borrokatzea errazagoa da, korreotik “eliminar” baino ez dugu egin behar, baina bannerrak bezain desatsegina da.
“Pop-up” –ari dagokionez, deserosoa da baita, leihotxoak ixten dihardu baitugu, berehala gertatzen ez den gauza gainera !
Publizitate mota honen eraginkortasunari dagokionez, uste dut eraginkorra dela, behintzat bai publiko xedearentzako. Honekin esan nahi dut niri interesatzen ez zaidan leiho bat agertzen bazait, berehala itxiko dut eta ez diot jaramonik egingo, baina aldiz, nire gustokoa den zerbait ageri ezkero, baliteke publizitateari men egitea.
Ohartu egin naiz, gehienetan, pop-up publizitate mota hau zuk momentu horretan ikusten ari zaren orrialdearen gaiarekin zerikusia eduki ohi duela, modu horretan errazagoa izanik targetarekin ematea.
Beraz, eraginkorra dela uste dut, eta nahiko ikusten dela, gertatzen dena da guk ez diogula jaramonik egiten gustuko ez dugun zerbaiteri, eta ondorioz ez dugula gogoratzen. Ohizko euskarri klasikoekin alderatuta hauek bezain beste eraginkorra dela esango nuke. Edo baliteke hauek baino eraginkortasun handiagoa izatea. Dena den, uste dut, jendeak orokorki, iragarki hauek beste euskarrietakoak baino gehiago gorrotatzen dituela, gainerakoek ez zaituztelako ”molestatzen”.